ৰাওৰেমানকে চবকইকে জহাৰ !
কাৰুনা ভাইৰাচ ফিৰ একবাৰ হামিন কে চামাচ্যা মে গিৰাই দেহে ৷ কাৰুনা কেৰ এই নাউতুন ৰুপটা আওৰ বাহুত ভায়াংকাৰ চে ফেইল যাথে আওৰ ৰাউৰেমান অলপমান চাবধান নাইহ'লে হামিনমান মৃত্যু কে খাবাৰ দেক ৰাকাম হে হৈ যাই ৷ বাৰ বাৰ হাথ ধয়েক , মাস্ক লাগাইক আওৰ চুচেল ডিচটেনচিং কাৰ চাথে চাথ হামিনমান হামিনকেৰ খানা পিনা মে ভি ধ্যান দেক লাগি ৷ কাৰণ ভালচে খানপান কাৰলেহে হামিনকেৰ যে ইমিওন চিচটেম আহে ও ভালচে মাজবুত হৈকে ৰাহি ৷ WHO কেৰ মতে কাৰুণা চে ৰেহাই পাইক লে হ'লে কন কন খানা কে খাইখুই , ওকে হামিনমান ই লিখনি মে বাতাইক জাথি ৷
কাৰুনা চে ৰেহাই পাইক লে হ'লে কন কন খানা খাবইঃ
হামিনকেৰ খানা মে বাহুত তাৰাহকেৰ ফল-ডল মান ৰাখেক পাৰিলা জাহাচে হামিনমানকে জাৰুৰাত ভিটামিন, মিনাৰেল , ফাইবাৰ , প্ৰ'টিন আওৰ এন্টিঅক্সিডেন্ট মিলি ৷
চাবজি বেচি চে বানাইকে নাই খাবাঃ
চবদিন অলপ হ'লেও দুই কাপ ফাল , আঢ়ৈ কাপ চাব্বজি , এক চ আচি গ্ৰাম আনাজ , এক চ চাঠি গ্ৰাম মাংচ' খাইক লাগে ৷ সাপ্তাহ মে 1 য়া 2 বাৰ ৰেড মাংচ( লাল মাংচ) আওৰ 2 য়া 3 বাৰ মুৰ্গী মাংচ খাইক পাৰালা ৷ ৰাতি হয়েক চামায় মে তাজা ফাল আউৰ চাবজি(KACHHA)) কে খাইক পাৰালা ৷ চাবজি কে বেছি পাকাই নাই দেবা নাহলে ওকাৰ হুৱা যে ভিটামিন মান ৰাহেলা ওমান খাতাম হৈ যাইলা ৷
হিয়া দেৱাল বাত মানকে ধ্যান দেবাঃ
(ক) বেচি নামাখ দেৱাল খানা নাই খাবা ৷ হামিন মান 5 গ্ৰাম চে বেচি নামাক দিন মে গ্ৰাহান কাৰেক নালাগে ৷ লকডাওন হয়েক খাথিৰ বাহুত আদমি দুকান বজাৰ চে কিন কিন কে বাচতু মান খাথাই জাহা বাহুত নামক ৰাহেলা ৷ আওৰ আপান ঘাৰমে ভি অলপ ই কাৰুনা কাল মে নামাক টাকে কমাই দেবা ৷ বিচেচ কাইৰাকে হামিন কেৰ মা,দিদি -বাহিনমান যাতে কথাটাকে ধ্যান মে ৰাখবাই ৷
(খ) মিঠা বেছি নাই খাবা , ই কে ভি কাম কাইৰ দেৱা ৷ বেচি চে মিঠা চিনি খালেঅ বেয়া ৷ দিন মে 6 চামুচ চে বেচি চিনি নাইখাবা ৷ কিন্তু যদি হিচকা হৈ যাহে হ'লে চিনি চাংঙে তাজা ফল-ডল খাইেক পাৰালা ৷
(গ) আন্ডা জেমান ভাল পাৱালা ওকে খাইক পাৰালা ৷ কিন্তু লোকেল ঘাৰকেৰ মুৰগিকেৰ হ'লে বেছি ভা হয়েল ৷ ফ্ৰাই কাইৰকে নাই খাবা ৷ ওকে বইল কাইৰকে খাৱা , ও ঠিক ৰাহি ৷ আন্ডামে প্ৰটিন ৰাহেলা দেই ৷
(ঘ) দাইল - মচুৰ দাইল , ৰহৰ দাইল ,আউৰ যে যে দাইল পাইলা , ওমানকে হামিন মান খাইক পাৰিলা দেই ৷
(ঙ) চাবি তাৰাহ কেৰ ফল-ডল , আম , আনাৰচ ইমানকে হামিন মান খাইক পাৰিলা দেই ৷
(চ) বাহুত ধ্যান দেক বাত হলাক যে পানী হামিন মানকে পিতে ৰাহেখই ৷ যেক'ন' বেমাৰ চে ৰেহাই পাইক লে হ'লে হামিন মান যেতানা পাৰে হামিন মান পানী পিয়েক লাগি ৷ অহলে চবদিন 8-10 গিলাচ হামিন পানী পিয়েক লাগে ৷ বেচি ঠান্ডা পানী নাই খাইক লাগে ৷ চব দিন গাৰাম কাৰাল পানী খাবা দেই ৷ ই কৰনা কাল মে ত' ঠান্ডা পানী নাই খাবা ৷ পানী মে খিৰা , নিম্বু ৰচ ইত্যাদি মিলাই কে খাইক পাৰালা দেই ৷
খানা বানাইক টাইম মে ধ্যান ৰাখাবাঃ
(ক) আপান হাত , বাৰ্তান আৰু ভাতৰান্ধা ঘাৰকে চবদিন চাফ চুতৰা কাৰবা ৷
(খ) খানা বানাইক মে চাফা পানী হে ব্যৱহাৰ কাৰবা ৷
(গ) নাইৰান্ধাল মাংচ কে চবদিন আলাগ জাগাহা মে ৰাখাবা দেই ৷ একেচাংঙে ৰাইখ নাই দেবা ৷
(ঘ) জেমান খানা ভালচে পাকাইক হইলা ওকে আচা চে পাকাইকে খাবা দেই ৷ হা যেমান বইল ভি খাইক পৰাইলা ওটা বাৰু খাইক পাৰবা ৷
ওপাৰেকৰ বাতমান WHO কেৰ মতে দেৱাল আহে দেই
Post a Comment