অনলাইন ইনকাম কা হেকে ?
 |
| অনলাইন ইনকাম |
ৰাওৰেমানকে জহাৰ!
আইজ হামিনমান ইৰকাম চামায় মে পাই যাহি যে চব কাম-কাজ অনলাইন চৰু হৈ যাহে অকল হামিনমান কেইটামানহে হে কাম অনলাইন কাৰেক নাই পাৰবই বাকি চব কাম অনলাইন হৈ যাহে আওৰ আনেৱালা টাইম মে আওৰ বাহুত কাম-কাজ অনলাইন হৈ যা্ই ৷ ত' পাহিলা মই কাইটামান চাৱালকেৰ চাথ আগেবাঢ়াথ' -
(১) অনলাইন ইনকাম কি হেকে ?
(২) অনলাইন ইনকাম হচায় কাৰেক পাৰাইলা ন' ?
(৩) কা কা জাৰিয়া চে হামিনমান অনলাইন চে ইনকাম কাৰেক পাৰবই ?
(৪) অনলাইন কামকে কে কে মান কাৰেক পাৰাবাই ?
(৫) অনলাইন ইনকাম কাৰেক লে কি কি বাচ-তু কেৰ দাৰকাৰ হয়লা ?
(৬) অনলাইন ইনকাম কেৰ খাতিৰ কিতনা পাঢ়ল-লিখল কেৰ জাৰুৰাত হয়লা ?
(৭) অনলাইন ইনকাম কাৰেকলে কিতনা পাইচা কেৰ দাৰকাৰ হয়লা ?
(৮) অনলাইন মে কিতনা কিতনা টাকা ইনকাম কাৰেক পাৰাইলা ?
(৯) অনালাইন ইনকামকেৰ চুবিধা কি আহে ?
(১০) অনলাইন ইনকাম মে পাৱাল পাইচা নগদ মে কি ৰকাম ট্ৰান্সফাৰ কাৰবাই ?
ত' হামিন এখান এক এক টপিক কেৰ বাৰে আলোচনা কাৰেক লে আগেবাঢ়াথি' , ত আৱা জানবাই ওপৰ কেৰ চাৱাল মানকেৰ জাৱাব ৷
- (১) অনলাইন ইনকাম কি হেকে ?
' অনলাইন ইনকাম ' মাতলাব Online Earning কাৰেক মানে অনলাইন মে বাহুত চি যাৰিয়া চে হামিন মান অনালাইন টাকা কামাইক পাৰিলা ৷ আইজ কেৰ দুনিয়া মে বাহুত কাম-কাজ অনলাইন হৱাথে , হামিনমান ই কাম মানকে ঘাৰ মে বাইঠ কে কাৰেক পাৰবই ৷ হামিনমান যে কাম কাৰবই ও কাম কাজমান কেৰ জাৰিয়ে চে পাৱাল পাইচা হামিন কেৰ বেংক একাউন্ট মে আই যাই ৷
 |
| GHAR SE INCOME KARA |
- (২) অনলাইন ইনকাম হচায় কাৰেক পাৰাইলা ন' ?
হা অনলাইন ইনকাম হচায় কাৰেক পাৰাইলা , বাহুত চাৰা-কাম কাজ অনলাইন মে আহে জাহা চে হামিন আৰামচে মাহিনা ইনকাম , সাপ্তাহিক ইনকাম , দৈনিক ইনকাম ভি কাৰেক পাৰিলা ৷
- (৩) কা কা জাৰিয়া চে হামিনমান অনলাইন চে ইনকাম কাৰেক পাৰবই ?
বাহুত চাৰা জাৰিয়া আহে যাহাচে হামিন মান বাহুত চাৰা টাকা ইনকাম কাৰেক পাৰবই ৷ কি কি জাৰিয়া আহে মই কাইটামান উল্লেখ কাইৰদেথঃ
(ক) ইউটিউব ্ভিডিঅ ছে
(খ) ফেচবুকৰ পেজ আওৰ ভিডিঅ ছে
(গ) অনলাইন বিক্ৰি কাইৰকে
(ঘ) অনলাইন পাঢ়াইকে
(ঙ) অনলাইন বেপাৰ কাইৰকে
আওৰ বাহুত কাম-কাজ আহে জেকাৰ মই নাম কাইকে খাতাম কাৰেক নাইপাৰব" ৷ ই চব কেৰ বাৰে মে ৰাওৰেমান ইচ ৱেবচাইট মে আওৰ হামিনকেৰ ইউটিউব চেনল মে পাতে ৰাহাবা ৷
- (৪) অনলাইন কামকে কে কে মান কাৰেক পাৰাবাই ?
অনলাইন কামকে হামিন মান চবেই কাৰেক পাৰবই যদিহে হামিনকেৰ কাৰেক লে মন আহে ৷ পাঢ়াল মান খাতিৰ বেছি ভাল যেমান ঘাৰমে এনেই আহায় আৰু যেমান পাঢ়তে আহায় ওমানভি এক চাইড ইনকামকেৰ হিচাপ ছে অনলাইন কাম কাৰেক পাৰবাই ৷ আওৰ যে মান এক ক্লাছ ভি নাই পাইঢ়াই ওমানভি অলপ পাঢ়াল লিখাল ব্যাক্তিচে অলপ মাদাদ লেইকে অনলাইন কাম কাৰেক পাৰবাই ৷
 |
| ONLINE INCOME KAREK LE SURU KARA |
- (৫) অনলাইন ইনকাম কাৰেক লে কি কি বাচ-তু কেৰ দাৰকাৰ হয়লা ?
আইজকেৰ জামানা মে হামিনকেৰ চব কেৰ হাতে হাতে মোবাইল ফ'ন আহে আওৰ ইন্টাৰনেট ত ৰাহবেঘাৰেলা ৷ হ ' কিছুমান কিছুমান ঘাৰমে নাইখে , আনেৱালা দিনমে ওমানকেৰ হাথে ভী মোবাইল শুই ৷ কিছুমান কিছুমান ভাই-বাহিনমানঠিন ত ' লেপটপ -কম্পিউটাৰ ভি আহে , ুওমানকেৰ জাৰিয়ে চে হামিন মান অনলাইন ইনকাম কাৰেক পাৰবই ৷ অকল অলপমান পৰামৰ্শ কেৰ দাৰকাৰ হয়লা যেটা নেকি হামিনমান তথা ৰাউৰেমানকে ই ৱেৱচাইটকেৰ দ্ৱাৰা দেবই ৷
- (৬) অনলাইন ইনকাম কেৰ খাতিৰ কিতনা পাঢ়ল-লিখল কেৰ জাৰুৰাত হয়লা ?
"পাঢ়া ভাই মান পাঢ়া
পাঢ়া বাহিন মান পাঢ়া ''
এনত' কাহেক গেলে হামিন মান পাঢ়েক লিখেকমে কন-অ দিন ঢিলা নাইকাৰেক লাগে ৷ চবদিন জ্ঞান খাতিৰ পাঢ়েক লাগে ৷ অনলাইন ইনকাম খাতিৰ বেছি পাঢ়াল লিখল কেৰ জাৰুৰাত নাইখে কেৱল মোবাইল , ইন্ঠাৰনেট কেৰ জ্ঞান হলেই শুই ৷ কিনতু পাঢ়াল-লিখল ৰাহলে বেছি ইজি হৈ যাইলা কাম কাৰেক লে ৷
- (৭) অনলাইন ইনকাম কাৰেকলে কিতনা পাইচা কেৰ দাৰকাৰ হয়লা ?
কেৱল মোবাইল আওৰ ইন্টাৰনেট কেৰেহে দাৰকাৰ হয়লা ৷ হা কিছুমান কিছুমান কামমে অলপ-ছলপ পাইচা কেৰ দাৰকাৰ হয়লা ৷ যেমানকেৰ খবৰ হামিনমান ৰাওৰেমানকে নিয়মিতভাবে হামিনিকেৰ ইউটিউব চেনেল ছে আওৰ ৱেবচাইটকেৰ জাৰিয়ে দেতে ৰাহবৈ ৷
- (৮) অনলাইন মে কিতনা কিতনা টাকা ইনকাম কাৰেক পাৰাইলা ?
অনলাইন মে ৰাউৰেমান যিতনা মন আহে ওতনা ইনকাম কাৰেক পাৰবা ৷ হাজাৰ টাকা চে লেই কাৰ কোটি কোটি টাকা ইনকাম কাৰেক পাৰবা কেৱল হামিনকেৰ জাৰুৰাত হৈ অলপ কষ্ট আওৰ থঢ়া আইডিয়া ৷
 |
| MOBILE SE INCOME KARA |
- (৯) অনালাইন ইনকামকেৰ চুবিধা কি আহে ?
অনলাইন ইনকাম ৰাওৰেমান ঘাৰেচে কাৰেক পাৰবা , কেকৰ' গাইৰ চুনেক নালাগে আওৰ পইচা আপান বেংক খাতা মে আইযাই , ত কন' হেৰাইক কেৰঅ ডাৰ নাইখে ৷ মকে পইচা লাগে , মকে পইচা লাগে বইল বইল কেখ-অ কাহেক লে দাৰকাৰ' নাইখে ৷
- (১০) অনলাইন ইনকাম মে পাৱাল পাইচা নগদমে কিৰকাম ট্ৰান্সফাৰ কাৰবাই ?
মই আগে কেৰ টপিক মে কাহল' যে ছাৰা ইনকাম বেংক একাউন্ট মে আয়লা যাহা ছে হামিন মান নিকলাইক পাৰিলা ৷ কিৰকাম বেংক একাউন্ট ছে লিংক কাৰেক লাগে যেমান নাই জানাইনা ওমানকে হামিন মান বাতাবই ৷
ত আৱা ৰাওৰেমান অনলাইন ইনকাম কাৰেক লে ছিখবই আওৰ নিজৰ গঢ়মে খাড়া হয়েকলে কচিচ কাৰবই ৷ হামিনকেৰ এহে ৱেবছাইট ৰাওৰেমানকে বাহুত বাহুত চাহেতা কাৰি বইলকে আচা কাৰিলা ৷
😊 ধানিয়াবাদ !
ত আৱা ৰাওৰেমান অনলাইন ইনকাম কাৰেক লে ছিখবই আওৰ নিজৰ গঢ়মে খাড়া হয়েকলে কচিচ কাৰবই ৷ হামিনকেৰ এহে ৱেবছাইট ৰাওৰেমানকে বাহুত বাহুত চাহেতা কাৰি বইলকে আচা কাৰিলা ৷
😊 ধানিয়াবাদ !
Good Sir
Bahut bahut dhanyawad sir
ধানিয়াবাদ ৷
ধানিয়াবাদ ৷
Post a Comment